Башҡортостанда «Аҫылташ» йәштәр форумы башланды!

Ҡатнашыусыларҙы бай белем биреү программаһы, берләшеү өсөн уйындар, билдәле артистарҙың сығышы көтә. Мәғариф бүлектәрҙән һуң ҡатнашыусылар уйындар, ижади оҫталыҡ дәрестәре аша башҡорт халҡының тарихын, мәҙәниәтен һәм йолаларын өйрәнәсәк.
Шулай уҡ ҡатнашыусылар «Росмолодежь.Гранты» сиктәрендә үткәрелгән конкурста үҙ проекттарына 1 миллион һумға тиклем финанслау еңә ала.

«Хозур тәбиғәтле Йылайыр районының йәш яҡташтар берлектәрен, Башҡортостандан сыҡҡан студенттарҙы һәм йәштәр ойошмалары етәкселәрен берләштереүе бик ҡыуаныслы» – тип бүлеште Башҡортостан Республикаһының йәштәр сәйәсәте буйынса дәүләт комитеты рәйесе Вито Сабиров.

«Беҙ шатбыҙ яңы белемдәр, мөмкинлектәр, дуҫтар табырға килгән йәштәрҙе ҡаршы алырға. Үҙебеҙ ҙә уларға ҡарап илһамланабыҙ» – тип әйтте Йылайыр районы хакимиәте башлығы Борис Николай улы Мелкоедов.

Аҫылташ-2024 форумының ойоштороусылары: Башҡортостан Республикаһының йәштәр сәйәсәте буйынса дәүләт комитеты, Башҡортостан Республикаһының йәш яҡташтар берлеге, Йылайыр районы хәкимиәте, Башҡорт телен һаҡлау һәм үҫтереү ойошмаһы, Башҡортостандың студенттар һәм аспиранттар ассоциацияһы, Бөтә донъя башҡорттары ҡоролтайы.
Форум Башҡортостан Республикаһының Башлығы гранттары фонды грантына тормошҡа ашырыла.