+5 °С
Облачно
Новости
20 Января , 14:00
"Китап" нәшриәте магазинында "Төрки әлифба" күрһәтелде
💥Иҫке төрки телендә яҙырға өйрәнеү буйынса сыҡҡан беренсе практик ҡулланма әсбапты теләге булған һәр кеше ҡуллана ала. Китап 700 данала баҫылған.
"Китап" нәшриәте магазинында "Төрки әлифба" китабын күрһәтелде
🔸Фәнни- популяр баҫманы сығарыуҙа Шамил Вәлиев, Искәндәр Сәйетбатталов ( Өфө фән һәм технологиялар университеты), Ислам Байғужин (БР Милли китапханаһы), Илшат Миңлебаев (БР Милли архивы), Йософ Куряев(Өфө нефть техник университеты) күп көс һалған.
🔸Сараға килгән ҡунаҡтар фекерҙәре менән бүлеште, авторҙарға ҡыҙыҡһындырған һорауҙарын бирҙе.
🔸Китаптың ҡулланыусылар өсөн мөһим әсбап булыуы тураһында Башҡортостан Республикаһының Матбуғат һәм киң мәғлүмәт саралары буйынса агентлығы етәксеһе Максим Ульчев үҙ фекерен еткерҙе:
- Ҙур яуаплы эште башҡарып сығарыуҙа ярҙам итә алыуыбыҙ менән ғорурланабыҙ. Бик яҡшы проект был. Тарихи материалдар күберәк өйрәнелһен. Ғаилә үҙенең тарихи ептәрен барлау өсөн файҙаланһын,- тине һәм яңынан- яңы уңыштар теләне.
- 🔸Күмер самауырының хуш еҫле тәмле сәйе китап туйына йәм өҫтәне.
Ф.Абдулова.
Новости партнеров
