Новости
7 Октября 2025, 06:00

10 октябрҙә беренсегә Ҡурай көнө билдәләнәсәк!

Башҡортостан республикаһының дәүләт ҡурайсылар ансамбле ҙур концертына саҡыра!


Тамашала башҡорт илен данлаған халыҡ йырҙары, боронғо хәрби походтарҙа яңғыраған марштар, бейеү көйҙәре, илһөйәрлек рухы менән һуғарылған заманса музыка һәм өр-яңы әҫәрҙәр яңғыраясаҡ.
Бай эстәлекле сағыу программала шулай уҡ ҡурай моңона ҡушылып оҫта йырсылар йырлар, дәртле бейеүселәр осҡон сәсеп бейер.

Художество етәксеһе – Рәсәйҙең атҡаҙанған, Башҡортостандың халыҡ артисы, С.Юлаев исемендәге дәүләт премияһы лауреаты Азат Айытҡолов
Музыкаль етәксеһе – Башҡортостандың атҡаҙанған артисы Морат Джанизаков
Концерттың режиссеры - Башҡортостандың атҡаҙанған сәнғәт эшмәкәре Сулпан Асҡарова
Тарихи ваҡиғанан ситтә ҡалмағыҙ! 
Халҡыбыҙҙың моңло ҡурайын данлаған концертҡа дәррәү килегеҙ, дуҫтар!
«Башҡортостан» концерт залында көтөп ҡалабыҙ!

Читайте нас