+21 °С
Облачно
Новости
10 Июля 2024, 12:37
Рувики-шәп әйбер!
РУВИКИ – рус теле һәм Рәсәй халыҡтары телендәге онлайн-энциклопедия, икенсе төрлө әйткәндә Рәсәй «Википедия»һының яңыртылған аналогы. Сағыштырмаса йәш булыуына ҡарамаҫтан (уның барлыҡҡа килеүенә ни бары бер генә йыл!), интернет-энциклопедия бигерәк тә мәктәп уҡыусылары араһында ҙур популярлыҡ яуланы. Уҡыусылар һәм уҡытыусылар әйтеүенсә, РУВИКИ берҙәм дәүләт имтихандарына әҙерләнеү барышын шаҡтай еңеләйткән. Мәҫәлән, 2024 йылда был юҫыҡта 746 мәҡәлә урынлаштырылған. Иң мөһиме – тәҡдим ителгән материалдарҙың тәрән өйрәнелгән һәм фәнни яҡтан нигеҙләнгән булыуы. Юҡҡамы ни, онлайн-энциклопедияның стратегик партнерҙары: Рәсәй фәндәре академияһы, Президент китапханаһы, музейҙар һәм һөнәри ассоциациялар.
Рувики-шәп әйбер!
Интернет-энциклопедия һәр кем өсөн асыҡ. Бер ай эсендә генә энциклопедиялағы мәғлүмәттәргә 3,5 млн. кеше байҡау яһаған. Йыл дауамында 36 меңдән ашыу материал яҙылып, миллиондан ашыу өҫтәмәләр индерелгән.
«РУВИКИ 20 телдә, шул иҫәптән, башҡорт телендә лә мәғлүмәт тәҡдим итә. Йыл дауамында 65 500 мәҡәлә урынлаштырҙыҡ. Мәҫәлән, 112-се Башҡорт атлы дивизияһы һәм 1812 йылғы Ватан һуғышы яугирҙәренең исемлеге һәр кем өсөн ҡыҙыҡлы, – ти әүҙем википедист Рөстәм Ғатауллин. – Һәр тел – ул милләтең коды. Мин башҡорт телен белгән замандаштарыбыҙҙы РУВИКИның волонтерҙар хәрәкәтенә ҡушылырға саҡырам. Онлайн-энциклопедияны яңынан-яңы материалдар менән байытыу халҡыбыҙҙың быуаттар буйы туплаған рухи байлығын һаҡлап ҡалырға һәм үҫтерергә ярҙам итәсәк».
Рувики-шәп әйбер!
