Все новости
Новости
2 Декабря 2020, 16:05

7 декабрҙән уҡыусылар мәктәпкә йөрөй башлаясаҡ

Киләһе аҙнанан бөтә балалар ҙа уҡыуҙы мәктәптәрҙә дауам итәсәк. Республикала коронавирустың таралыуына ҡаршы тороу буйынса төҙөлгән оператив штаб ҡарары менән 2020 йылдың 7 декабренән белем усаҡтарының эш режимы билдәләнде. #Ватандаш#БелемБиреү#Мәктәптәр

Республикала коронавирустың таралыуына ҡаршы тороу буйынса төҙөлгән оператив штаб ҡарары менән 2020 йылдың 7 декабренән белем усаҡтарының эш режимы билдәләнде.
Коронавирусҡа бәйле хәл бер кимәлдә тороуын күҙ уңында тотоп, төбәктең Мәғариф министрлығы дистанциялы белем биреүҙе туҡтатырға бойорҙо. Роспотребнадзор вәкилдәре был тәҡдимде хупланы.
Тимәк, киләһе аҙнанан балалар уҡыуҙы мәктәптәрҙә дауам итәсәк. Республика Башлығы Р.Хәбиров белем усаҡтарын санитар нормалар үтәлеү йәһәтенән тикшерергә ҡушты.