Эшһеҙ граждандар сентябрь айында бәлиғ булмаған һәр балаға түләү ала.

Тейешле ҡарар Рәсәй Хөкүмәте сайтында баҫылған.

Балаһы булған һәр эшһеҙ, эшһеҙлек буйынса пособиеға өҫтәп, 3 мең һум алырға тейеш. Түләүҙәр билдәләнгән тәртиптә эшһеҙ тип танылған һәм 18 йәшкә тиклемге балалары булған 2,8 миллионға яҡын кешегә өҫтәмә социаль ярҙам булып тора.

Ошо маҡсатҡа аҡса – 8,5 миллиард һум – федераль бюджеттан бүленә.