Республикала тәүлек эсендә коронавирус йоҡтороуҙың 32 осрағы асыҡланған

Республикала тәүлек эсендә коронавирус йоҡтороуҙың 32 осрағы асыҡланған. Эпидемия башланғандан алып мәкерле сирҙе 7 888 кеше йоҡторған.

Дауаханаларҙа 66 сырхау COVID-19 вирусына ҡаршы көрәшә. Һигеҙенең хәле ауыр (берәүһе яһалма һулыш аппараты ярҙамында тын ала). 826 ауырыу амбулатор шарттарҙа дауалана. Тәүлек эсендә 26 кеше һауығып, дауахананан сыҡҡан. Дөйөм алғанда, 6 967 яҡташыбыҙ коронавирусты еңеүгә өлгәшкән. COVID-19-ҙан өҙөлгән ғүмерҙәр һаны үҙгәрешһеҙ ҡала – 29.

Аҙаҡҡы тәүлектә үпкәләре ялҡынһынған ауырыуҙар коронавирус йоҡтороусыларҙан өс тапҡырға күберәк асыҡланған: улар – 96. Кисәле-бөгөнлө 85 кеше, пневмониянан сәләмәтләнеп, дауахананан ҡайтҡан.