Республикала «Хеҙмәт ҡаһарманлығы ҡалаһы» стелаһын ҡуйыу өсөн урын һайлайҙар

Башҡортостанда «Хеҙмәт ҡаһарманлығы ҡалаһы» стелаһын ҡуйыу урынын һайлау буйынса онлайн-тауыш биреү башланды.

Мемориалды урынлаштырыу өсөн халыҡҡа ике вариант тәҡдим итәләр. Ҡала мэрияһынан хәбәр итеүҙәренсә, тәүге вариант – Еңеү аллеяһына ингән ерҙәге майҙансыҡ. Ул Беренсе Май урамында Еңеү паркына ингән урын янында урынлашҡан. Икенсеһе – Ленин һәм Зәки Вәлиди урамдары сатында паркка ингән урындағы майҙансыҡ.

Мемориал һигеҙ ҡырлы колонналы, иң өҫтә алтын ялатылған Өфө гербы тора, бейеклеге – 20 метр. Авторҙары – Константин Донгузов һәм Дамир Мәғәфүров. Тауыш биреү «Берҙәм Рәсәй»ҙең сайтында онлайн уҙғарыла. 13 сентябргә тиклем һайларға мөмкин.

«Башинформ» агентлығы.