Ишембайҙа инвесторҙар ял үҙәге төҙөлөшөнә 170 миллион һум һалырға ниәтләй

Инвесторҙар Ишембайҙа күп функциялы рекреация үҙәге төҙөлөшөнә 170 миллион һум һалырға ниәтләй. Проект Башҡортостан башлығы ҡатнашлығындағы «Инвестиция сәғәте»ндә ҡаралды. Хөкүмәттең матбуғат хеҙмәтенән хәбәр итеүҙәренсә, Ишембайҙың «Ярд» яуаплылығы сикләнгән йәмғиәте проектында физкультура һәм спорт менән шөғөллләнеү майҙансыҡтарын, парк һәм сауҙа зонаһын, күмәк кеше ҡатнашҡан ҡала сараларын уҙғарыу урындары бар. Проект документацияһы әҙер. Инвесторҙар ер буйынса льгота рәүешендә дәүләт ярҙамы һәм инженер селтәрҙәрен үткәреүҙә ярҙам һораны. Радий Хәбиров муниципалитетҡа компанияға ошо ярҙамды күрһәтергә ҡушты.

Мәғлүмәт сервистары мәғлүмәттәренә ярашлы, «Ярд» яуаплылығы сикләнгән йәмғиәтен 2019 йылдың ноябрендә Александр Школьный ойошторған.