Өфөлә «Бейеүсе торналар» фонтаны Бөтә донъя фольклориадаһы алдынан асыласаҡ

Композиция баш ҡаланың Орджоникидзе районындағы «Имәндәр» скверында ҡуйыласаҡ. Арт-проект ошо көндәрҙә үткәрелгән «Транспорт сәғәте»ндә тикшерелде.

Өфө мэры Өлфәт Мостафин хәбәр итеүенсә, фонтан Бөтә донъя фольклориадаһының төп саралары башланыуға эшләй башлаясаҡ. Проектҡа ярашлы, ул заманса итеп төҙөлә. Октябрь проспектынан яҡшы күренһен өсөн скульптураны фонтандың уртаһына ҡуйыу күҙаллана.