Все новости
Новости
11 Февраля 2020, 13:10

Фарш менән "Французса ит"

Туҡлыҡлы һәм тәмле был ризыҡты өлкәндәр ҙә, балалар ҙа яратып ашай.

Туҡлыҡлы һәм тәмле был ризыҡты өлкәндәр ҙә, балалар ҙа яратып ашай.
500 гр. тирәһе фаршҡа әҙ генә һөт һалып, уртаға ярылған һарымһаҡ тештәре, тоҙ-борос өҫтәп, яҡшылап болғатығыҙ һәм ситкә ҡуйып тороғоҙ. Һөт фаршты һутлы, йомшаҡ итә.
Табаны майлап, иң тәүҙә 5-6 эре бәрәңгене ҡалын итмәй генә турап йәйәбеҙ, сама менән тоҙ, борос, тәмләткестәр һибәбеҙ, дүңгәләкләп туралған 3-4 баш һуған һалабыҙ. Ошоларҙың өҫтөнә әҙер фаршты тигеҙләп йәйәбеҙ, түңәрәкләп теленгән 2-3 помидор өҫтәйбеҙ һәм, фольга менән ҡаплап, духовкаға оҙатабыҙ.
170-180 градуслы мейестә 50 минут тирәһе бешерәбеҙ. Бешеп сығыр алдынан өҫтөнә ҡырғыстан үткәрелгән сыр һибәбеҙ.