Иммунитетҡа ярҙамға

Йыш тымау тейеп йонсотамы? Киҙеү эләктерҙегеҙме? Иммунитет өсөн ифрат файҙалы витаминлы ҡатнашма эшләү түбәндәге емеш-еләк кәрәк буласаҡ.

300 гр әстерхан сәтләүеге, 300 гр күрәгә, 300 гр инжир, 300 гр ҡара емеш, 300 гр йөҙөм, 1 стакан бал, 1-2 лимон кәрәк буласаҡ. Кипкән еләк-емеште һәм лимонды йыуырға һәм ит тартҡыс аша үткәрергә, бал ҡушып, быяла банкаға һалырға. Ҡатнашманы һыуытҡыста һаҡлайҙар. Көнөнә 2-3 тапҡыр 1 сәй ҡалағы ҡабып ҡуйырға кәрәк. Әлеге ҡатнашманы даими ҡулланырға була. Бөткәс, 1-2 ай тәнәфес яһап, тағы дауам итергә мөмкин.