Все новости
Новости
13 Января 2020, 13:30

Республика халҡы Яңы йыл байрамдарында ниндәй илдәрҙә ял иткән?

Яңы йыл байрамын 88 меңдән ашыу кеше Башҡортостандан ситтә ҡаршылаған.

2019 йылдың 31 декабренән 2020 йылдың 8 ғинуарына тиклем 88 мең пассажир “Өфө” аэропорты хеҙмәте менән файҙаланған. Был күрһәткес, уҙған йыл менән сағыштырғанда, 27 процентҡа күберәк. Иң популяр йүнәлештәр – Камрань (Вьетнам), Санья (Ҡытай), Утапао (Таиланд), Гоа (Индия), Төркиә, Дубай (Берләшкән Ғәрәп Әмирлектәре) һәм Вена (Австрия). Рәсәйҙә ял итергә теләүселәр Мәскәү, Санкт-Петербург һәм Сочи ҡалаларына өҫтөнлөк биргән.