Яңы ҡорамалдар алынды

Республикабыҙ медицина учреждениелары пациенттарҙы хеҙмәтләндереү ваҡытын ҡыҫҡартыу, электрон сиратты ойоштороу өсөн тәғәйенләнгән 143 ҡорамал комплекты алды.

Һаулыҡ һаҡлау министрлығының матбуғат хеҙмәтенән хәбәр итеүҙәренсә, мәғлүмәт терминалдары ОМС электрон полисты уҡыу ҡоролмалары менән йыһазландырылған. Улар штрих-код буйынса ҡағыҙ медицина полистарын таный. Әлеге система өсөн ОМС полисын телефонға төшөрөп йөрөтһәң дә була.

Был ҡорамалдар медицина учреждениеларына «Һаулыҡ һаҡлау» милли проекты буйынса ҡуйыласаҡ.