Все новости
Новости
15 Ноября 2019, 15:05

Өфөнөң Инорс биҫтәһендәге бассейн яңы йыл каникулдарына файҙаланыуға тапшырыла

Егерме биш метрлыҡ дүрт юлы булған яңы бассейнда бер үк ваҡытта 50-гә яҡын кеше шөғөлләнә ала. Объектты халыҡты һауыҡтырыу һәм профессиональ йөҙөүселәр әҙерләү өсөн файҙаланыу күҙаллана.

Инорс биҫтәһенең Т.Йәнәби бульварындағы бассейнды яңы йыл каникулдарына файҙаланыуға тапшырырға кәрәк, тип талап итте Башҡортостан хөкүмәтенең беренсе вице-премьеры Андрей Назаров. 13 ноябрҙә ул эш сәфәре менән Өфөнөң сәнәғәт һәм социаль объекттарында булды. Бассейн «Башҡортостандың 100 йыллығына – 100 объект» проекты сиктәрендә төҙөлә. 2017 йылдың декабрендә башланған эштәр ағымдағы йылдың аҙағына тамамланырға тейеш.
Егерме биш метрлыҡ дүрт юлы булған яңы бассейнда бер үк ваҡытта 50-гә яҡын кеше шөғөлләнә ала. Объектты халыҡты һауыҡтырыу һәм профессиональ йөҙөүселәр әҙерләү өсөн файҙаланыу күҙаллана.
Бассейн өс ҡатлы, инженер ҡорамалдары менән техник этаж да иҫәпкә алына. Беренсе ҡатта – бассейн, вестибюль, гардероб, табип бүлмәһе, административ бүлмәләр, тренерҙар кабинеты, хеҙмәткәрҙәр, кейенеү, душ инеү бүлмәләре, лаборатория, ә икенсеһендә холл, 100 урынлыҡ бассейн трибуналары, фитнес-үҙәк була.