Альбина өләсәй Ҡыҙыл майҙанда өҙҙөрә баҫты

Көләкәс өләсәй - Альбина Исхаҡованың "Яратам" күргәҙмәһен Мәскәүҙә йәшәүсе милләттәштәребеҙ көтөп алды.

Күргәҙмәгә ҡуйылған селтәрҙәр араһында боронғолары ла, Альбина апайҙың үҙ ҡулдары менән сигелгәндәре лә бар. Автор эштәре араһында макраме эштәре - румын селтәрҙәре иғтибарҙы йәлеп итә.

Күргәҙмә асылғандан һуң милләттәштәребеҙ Ҡыҙыл майҙанда флешмоб ойошторған. "Сағыу уттар менән балҡыған майҙанды дер һелкетеп бейеп ҡайтыу - үҙе бер бәхет", - ти флешмобта ҡатнашыусы Гөлсинә Батыршина.