Башҡортостанда яңы байрам барлыҡҡа килә!

Республикала Милли кейем көнө булдырыла. Әлегә тейешле документтар әҙерләнә. Был турала 4 ноябрҙә Халыҡтар берҙәмлеге көнөнә арналған тантаналы кисәлә Башҡортостан хөкүмәте премьер-министры урынбаҫары Андрей Назаров иғлан итте.

Байрамды йылдың ике көнөндә – апрелдең 3-сө һәм сентябрҙең 2-се йомаһында билдәләү күҙаллана.

“Башҡортостан Республикаһында 160-тан ашыу милләт вәкиле көн күрә. Уларҙың һәр ҡайһыһының тарихи, мәҙәни үҙенсәлеге бар. Милли кейем көнө халыҡтарға тағы бер тапҡыр ата-бабаларының тарихына, мәҙәниәтенә иғтибар итергә, кире ҡаҡҡыһыҙ әхлаҡи ҡиммәттәрҙе йәш быуынға еткерергә мөмкинлек бирәсәк”, – тип билдәләне Назаров.