+1 °С
Облачно
Все новости
10
Новости
17 Октября 2019, 17:48
Башҡортостанда күп балалы ғаиләләргә танытмалар бирә башланылар
Күп балалы статусын раҫлаған һәм магазиндарҙа, күңел асыу үҙәктәрендә, музейҙарҙа, театрҙарҙа төрлө ташлама, льгота алырға хоҡуҡ биргән рәсми документ республикала беренсе тапҡыр әҙерләнгән.
Күп балалы статусын раҫлаған һәм магазиндарҙа, күңел асыу үҙәктәрендә, музейҙарҙа, театрҙарҙа төрлө ташлама, льгота алырға хоҡуҡ биргән рәсми документ республикала беренсе тапҡыр әҙерләнгән.
Танытма алыу өсөн Республика халыҡты социаль яҡлау үҙәге филиалына йәиһә күп функциялы үҙәктең теләһә ниндәй офисына мөрәжәғәт итергә кәрәк. Тәүге осраҡта танытманы – мөрәжәғәт иткән көндә үк, ә икенсеһендә 10 көндән һуң алырға мөмкин.
Танытма алыу өсөн документтар йыйылмаһы ябай: ата-әсәнең паспорттары, никах йәки уны тарҡатыу тураһында таныҡлыҡ, ғаилә составы тураһында белешмә, бөтә балаларҙың да тыуыу тураһында таныҡлыҡтары (шул иҫәптән, тәрбиәгә, уллыҡҡа, опекаға алынғандарҙың).
Әгәр ғаиләлә тәрбиәгә йәки опекаға алынған балалар бар икән, муниципаль органдарҙың тейешле ҡарарҙарын күрһәтергә кәрәк. Баланың тыуыу тураһында таныҡлығына атаһы тураһында мәғлүмәттәр әсәнең ғаризаһы нигеҙендә индерелгән осраҡта, ЗАГС органы биргән махсус белешмә талап ителә. Республиканың 600-ҙән ашыуыраҡ ғаиләһе ошондай танытма алған да инде.
Һуңғы иҫәп алыу мәғлүмәттәре буйынса, Башҡортостанда 46 меңдән артыҡ күп балалы ғаилә йәшәй.
Өфө һәм республика биләмәһендә балалы ғаиләләр өсөн ташламалар һәм акциялар хаҡында тулыраҡ мәғлүмәтте Башҡортостандың Ғаилә порталында алырға мөмкин.
Читайте нас:
