Башҡортостанда «Инцидент» системаһы уйын майҙансыҡтарының хәүефһеҙлегенә булышлыҡ итә

Ағиҙел ҡалаһының балалар уйын майҙансығында ағас күперҙең бер-нисә арҡыры таҡтаһы булмай. Вash.news сайты хәбәр итеүенсә, был хәлгә битараф булмаған халыҡ хәүефле күпер хаҡында социаль селтәрҙә яҙа. Ата-әсәләрҙең мөрәжәғәтен «Инцидент-менеджмент» системаһы теркәй.

Башҡортостан Республикаһы Башлығы Хакимиәте ҡарамағындағы граждандарҙың социаль селтәрҙәрҙә мөрәжәғәттәре буйынса эш төркөмө етәксеһе урынбаҫары Дарья Петрова белдереүенсә, Ағиҙел ҡалаһының социаль селтәрҙәге төркөмөнә балаларының хәүефһеҙлеген ҡайғыртҡан ата-әсәләр уйын майҙансығындағы күпер ватыҡ булыуы хаҡында яҙа. Хакимиәт был хәлгә бик тиҙ иғтибар итә һәм 3 көн эсендә күперҙе йүнәтә.