«Мәҙәниәт» милли проекты сиктәрендә Миәкә мәҙәниәт һарайын капиталь төҙөкләндереү башҡарыла

«Мәҙәниәт» милли проекты сиктәрендә Миәкә мәҙәниәт һарайын капиталь төҙөкләндереү башҡарыла.

Райондың мәҙәниәт усағын яңыртыу “Мәҙәниәт” милли проектының “Мәҙәни мөхит” төбәк проектын ғәмәлгә ашырыу сиктәрендә алып барыла.

Әлеге көндә тәҙрә һәм ишектәрҙе алмаштырыу, йылытыу системаһын йүнәтеү эштәре тамамланған, түбәне төҙөкләндереү ҙә аҙағына яҡынлашҡан, тантаналар һәм спорт залдарын, бинаның фасадын ремонтлау дауам итә.

Объектты капиталь йүнәтеү өсөн федераль бюджеттан 10 млн һумдан ашыу субсидия бүленгән.

Яңыртылған Мәҙәниәт һарайы быйыл декабрь айында уҡ асыласаҡ, тип көтөлә.

#национальныепроекты; #нацпроекты; #региональныепроекты; #регпроекты; #нацпроектыБашкортостан