Бөрйән районында Аҡбуҙатҡа һәйкәл ҡуйыласаҡ

Бөрйән районының Йылҡысыҡҡан күле эргәһендә Аҡбуҙатҡа һәйкәл ҡуйыласаҡ. Һәйкәлдең авторы - билдәле башҡорт скульпторы Өлфәт Ҡобағошов. Жюри ағзалары әйтеүенсә, проекттар конкурсында тап ул Аҡубаҙатты “Урал батыр”, “Аҡбуҙат” эпостарында һүрәтләнгәнсә һынландыра алған. Суйын һәйкәлдең бейеклеге 5 метрға етәсәк.

Һәйкәлде рәсми асыу тантанаһы август аҙағында буласаҡ.