Төп приз Өфө районының Михайловка ауылына юлланды

“Ватандаш” журналын яҙҙырыусылар араһында уйнатылған приздарҙың еңеүселәре билдәләнде.

Төп призды – 2 урынлы палатканы – Өфө районы Михайловка ауылынан башҡорт теле һәм әҙәбиәте уҡытыусыһы Зинфира Ишкилдина отто. Беҙҙең бүләгебеҙ бик урынлы булып сыҡты, сөнки Зинфира Шәрифйән ҡыҙы тәбиғәт ҡосағына сығырға, Башҡортостаныбыҙ буйлап ял итергә ярата, шуға ла был йәйге ял әйбере уның күңеленә бик хуш килде. Журналға ҡушып ошондай файҙалы бүләк алыу бигерәк шәп инде, тиеп ҡыуанысын белдерҙе ул.

Беҙ ҙә еңеүселәрҙе ҡотлайбыҙ, артабан да “Ватандаш” менән дуҫ ҡалыуҙарын теләйбеҙ!