-5 °С
Облачно
Все новости
Новости
16 Апреля 2019, 19:44
“Контра” — Таңһылыу Ҡарамышеваның яңы поэмаһы
Билдәле шағирә Таңһылыу Ҡарамышева “Ватандаш” журналына өр-яңы поэмаһын килтерҙе. Башҡортостан мөхтәриәтенең 100 йыллығына арналған әҫәрҙең "Контра" тип аталыуы шунда уҡ иғтибарҙы йәлеп итте. Һәм беҙ авторға уның яҙылыу тарихын һөйләүен үтенеп мөрәжәғәт иттек.
Билдәле шағирә Таңһылыу Ҡарамышева “Ватандаш” журналына өр-яңы поэмаһын килтерҙе. Башҡортостан мөхтәриәтенең 100 йыллығына арналған әҫәрҙең "Контра" тип аталыуы шунда уҡ иғтибарҙы йәлеп итте. Һәм беҙ авторға уның яҙылыу тарихын һөйләүен үтенеп мөрәжәғәт иттек.
«Мин үҙемдең бабаларымдың тарихын, золомға дусар булғандарын белмәй үҫтем, атайым бер ҡасан да был турала һөйләмәне. Икенсе курста уҡып йөрөгәнемдә беҙҙең ауылға атайымдың ике туған бабаһы Әхмәтгәрәй Сәйетгәрәй улы Ҡарамышев килде, ул да һөргөндә булған. Бына шунда мин төндәр буйы уның һөйләгәндәрен тыңлап ятып күп нәмәне белдем, аҙаҡ ул бабайым янына Стәрлегә барып йөрөнөм. Оҙаҡ йылдар күңелемдә йөрөттөм был әҫәрҙе, яҙырғамы, юҡмы, тип икеләндем. Тарихсылар менән кәңәшләштем. Улар һин уйлап сығарған тарих түгел, ысынбарлыҡты яҙырға кәрәк, тинеләр. Бына шулай тыуҙы ул әҫәр», — тип һөйләне Таңһылыу Фаяз ҡыҙы.
...Бала саҡ әхирәтем,
Иҫеңдәме, Мәстүрә,
Мин үс алдым һинән бер саҡ,
Контра, тигәнгә күрә.
Индегегеҙ һайғауына
Ҡара батҡаҡ һыланым.
Контраның ни икәнен
Күрһәтәм, тип уйланым.
Иҫләйһеңме, мине тиргәп
Индек йыуҙы өләсәм.
“Атаң ҡайтһын әле бына! –
Уф Аллам”, – тине әсәм.
Иҙел аша тауға ҡасып
Мин ғәрләнеп иланым.
Кисен ҡайтып, контра нимә,
Әйтегеҙ, тип һораным.
“Контра ҡыҙым, кил бында”, – тип
Атай арҡамдан ҡаҡты,
Яуап бирмәйсә һорауға,
Янына алып ятты.
Үтте йылдар... Көтмәгәндә
Тағы битәр ишеттем.
Мәктәп директоры әйткән
Һүҙҙәргә бик үсектем.
Күсеп китте ул ауылдан –
Сит яҡтарҙың ағаһы.
Нишләп йөрөй, тине миңә,
Был контра балаһы?
Мин йүгереп өйгә ҡаттым...
Мин тағы ла иланым.
Контра ул ни тигән һүҙ,
Әйтегеҙ, тип һораным.
Мин тағы ла ишетмәнем
Бер ниндәй ҙә яуапты.
“Контра ҡыҙым, кил бында”, – тип
Атай арҡамдан ҡаҡты...
Үтте йылдар... Атай ҡайтты,
Ҙур ҡунаҡ килә, тиеп,
Контраның ни икәнен
Ул ғына белә, тиеп.
Ҡыҙҙар өйҙө йыйыштырҙы,
Яраштырҙыҡ аш-һыуҙы.
Сикһеҙ шатлыҡ күңелдәрҙең
Сиктәренән ашыулы!
Ниндәй олуғ уҙаман ул,
Ултыраҡлы аҡыллы:
Тарих итеп дөрләтте ул
Йәнендәге ялҡынды!..
Ошолай башлана поэма. Тулы килеш уны журналдың апрель һанында уҡый алаһығыҙ.
Читайте нас:
© 2020-2024 Сайт журнала "Ватандаш"
Журнал зарегистрирован Управлением Федеральной службы по надзору в сфере связи, информационных
технологий и массовых коммуникаций по Республике Башкортостан.
Свидетельство о регистрации средства массовой информации ПИ № ТУ02-01535 от 06 июня 2016 года.
Мнение редакции не всегда совпадает с точкой зрения автора.
Авторы несут ответственность за достоверность предоставленной информации.
Редакция сохраняет за собой право выбора материала для печати, редактирования и сокращения.
Рукописи и иллюстрации не рецензируются и не возвращаются.
Главный редактор: Рашида Рафкатовна МАГАДЕЕВА.
Заместитель главного редактора: Фаниса ТАГИРОВА.
Ответственный секретарь: Гульназ РАХМЕТОВА.
Редакторы отделов:
Миляуша МУХАМЕТЬЯНОВА,
Раиля ГАЛЕЕВА,
Зульфия ХАННАНОВА.
Художественный редактор: Факил МУСТАФИН.
Инженер по верстке: Регина ШАФИКОВА.
БАНКОВСКИЕ РЕКВИЗИТЫ:
Филиал ПАО «БАНК УРАЛСИБ» в г.Уфа
р/с 40602810200000000009,
к/с 30101810600000000770,
БИК 048073770
ИНН/КПП 0278066967/027843012
Республиканский информационный центр –
филиал ГУП РБ ИД «Республика Башкортостан»
Телефон
8(347)272-16-41
Эл. почта
Адрес
г. Уфа, ул. 50 лет Октября, 13, 5-й этаж
Рекламная служба
8(347)272-16-41
Редакция
8(347)272-42-07
Приемная
8(347)272-16-41
Сотрудничество
8(347)272-16-41
Отдел кадров
8(347)272-42-07