-6 °С
Облачно
Все новости
Культура и искусство
17 Января , 16:00
🔥 АРТИСТ КӨНӨ алдынан театрға Фидан Ғафаровтың бюсы ҡайтты!
🌻Был турала Мәжит Ғафури исемендәге Башҡорт академия театры матбуғат хеҙмәте хәбәр итә.
Авторы - скульптор Хәлит Миңлеғәлиев. Ул Ҡазан ҡалаһындағы В.И.Ленин исемендәге мәҙәниәт - ял комплексы рәссамы.
💥“Атайым Ҡазан ҡалаһында концерт менән сығыш яһағанда, мәҙәниәт һарайының рәссамы менән танышып-һөйләшеп китә һәм уға: “Хәлит, был донъянан китеп барһам, миңә лә берәй бюст эшләрһең” - тип шаярта. Рәссам оҙаҡ уйлап тормай, атайым иҫән сағында уҡ ул бюсты эшләп ҡуя. Әммә атайыма бюсты фотонан ғына күрергә насип булды. Бына, ниһайәт, быйылдан билдәләнә башлаясаҡ профессиональ байрамыбыҙ - Артист көнө алдынан ғәзиз кешемдең һыны уның туған театрына ҡайтты”, - ти Башҡортостандың халыҡ артисы Азамат Ғафаров.
🤝Шулай уҡ Азамат Фидан улы әлеге мәлдә Дүртөйлө ҡалаһы мәҙәниәт һарайына Фидан Ғафаровтың исемен биреү буйынса һөйләшеүҙәр барыуы хаҡында ла белдергән.
💥Республиканың төп милли театрына 60 йыл ғүмерен бағышлаған сәхнә легендаһы, миллионлаған тамашасының яратҡан актёры, популяр йырсы, Рәсәйҙең, Башҡортостандың һәм Татарстандың халыҡ артисы Фидан Ғафаровтың бюсын театр музейында күрергә була.
Новости партнеров