Конкурс дауам итә!

«Ватандаш» журналы редакцияһы БДУ-ның журналистика кафедраһы менән берлектә Башҡортостандың 100 йыллығына ҡарата публицистик әҫәрҙәргә конкурс иғлан иткәйне. Ул 2019 йылдың аҙағына тиклем оҙайтылды.

Конкурсҡа ебәрелгән материалдар өс номинацияла ҡарала: аналитик (мәҡәлә, корреспонденция, рецензия, Асыҡ хат, журналист тикшереүе), нәфис-публицистик (очерк, әңгәмә, һүрәтләмә, эссе, фельетон, памфлет) жанрҙар һәм фәнни-популяр мәҡәләләр.

Еңеүселәр аҡсалата премиялар менән бүләкләнә.