Бик рыя ғына ала башланы ҡатындар сәйҙе. Ҡумтаһы ла йоҡа ғына бит әле, ҡурғашы ла юҡ.
Алдыҡ, ярай. Ә ҡалайтып эсергә был сәйҙе - белмәйбеҙ. Теге сәйҙәрҙе бит ус тултырып алаһың, сәйгүнгә һалаһың. Таҡта сәй булһа, бүлеп, һындырып алаһың да һалаһың. Күпме һалһаң, һәйбәт сыға - самаһы күптән билдәле. Ә был ни - ҡағыҙ эсендә. "Яҫтыҡ сәй" тип исем ҡуштылар, теге яҫтыҡ кәнфит, тигәндәй. Нисә "яҫтыҡ"ты йыртып, эсендәге сәйен бушатырға икән? Кем белһен?
Белделәр барыбер. Сәхибә тигән инәйҙең Пласта йәшәгән ҡыҙы өйрәткән әсәһенә. Был яҫтыҡ сәйҙәрҙе ҡағыҙлы көйө һалалар икән дә баһа сәйгүнгә!
- Ыста... Ҡағыҙ сайып эсеп ултырсәле. Ҡайһы алйотоноң башы еткән икән?
Сит ил "алйоттары" уйлап сығарған икән яҫтыҡ сәйҙәрҙе. Үҙҙәрендә күптән шулай сығарғалар икән.
+17 °С
Облачно