-2 °С
Облачно
Все новости
Аяҡ-ҡулығыҙ һыҙлаһа, уҫаҡ япраҡтарынан төнәтмә ярҙам итер!
Армиянан һуң ҡапыл ғына аяҡтарым һыҙлай башланы. Хатта аяғымды һоноп ултыра алмай инем. Әсәйем: "Бер пакет уҫаҡ (осина) япрағы йыйып алып ҡайт, ҡояшҡа һалып ҡуй. Һап-һары булып бешкәс, тәрән тасҡа һал. Өҫтөнә ҡайнап торған һыу ҡой. Төнәтмәнең эҫелеге аяҡты бешермәҫлек булғас, тубыҡҡа хәтлем аяҡтарыңды тығып ултыр", - тип кәңәш итте.
Һәм мин шулай эшләнем. Ауырыуҙың бармаҡ остарынан сыҡҡаны һиҙелә. Беренсе тапҡырҙа уҡ ауырыу юҡҡа сыҡты. Ә мин аяҡтарымды профилактика өсөн ике тапҡыр уҫаҡ япраҡтары һыуында тоттом. Шунан бирле - күҙ теймәһен - һыҙланыуҙы оноттом!
Шуныһы ла бар: Мөжәүир хәҙрәт тә кешеләргә ошо ысулды өйрәткән икән. Ул, ауырыу ныҡ көслө булһа микән, хатта япраҡты 40 уҫаҡтан йыйырға ҡушҡан.
Йәйгеһен дарыуҙы тапап йөрөйбөҙ, эйелеп алырға йыбанабыҙ, ә ҡыш аптекаға йүгерәбеҙ. Кәңәшем ярҙам итер, тигән ышаныстамын.
Сәлим Шарапов.
Новости партнеров